Usuku: 17 February 2026

Kwethulwe I-Housing Implementing Agent Ezoqala Ukwenza Izinhlelo Zokwakhiwa Kwezindlu Kwi-Project Eyaziwa Nge-KwaNgwanase South

UMeya kamasipala uMhlabuyalingana Cllr T.S. Khumalo wethule usonkontileka u-MOTEKO (Implementing Agent) ozoqala uhlelo lokwakhiwa kwezindlu kwi-project eyaziwa ngeKwaNgwanase South. Le-project inezindlu ezingu 2000 ihlanganisa amawadi amathathu okungu-ward 4, 5 kanye no 8.

UMeya namuhla ubehambisana noSomlomo, Cllr MD Mathenjwa kanye namakhansela, u-Municipal Manager, abaqondisi kanye nabasebenzi bomkhandlu.

UMeya uqale kwaSonto ekuseni ngo 09:00, wedlulela eMvelabusha ngo 12:00 emini kwathi ntambama wayiphetha eTembe Tribal Hall ngo 14:00 imihlangano yakhe.

UMeya wethule lenkampani ukuba iqale izinhlelo zokulungiselela ukwakhiwa kwezindlu maduzane. UMeya unxuse imiphakathi ikuba ibambisane nale-Implementing Agent ukuze izosheshisa isigaba esilandelayo sokwakhiwa kwezindlu

Ube yimpumelelo umkhosi woMthayi walonyaka obubanjelwe eHlalankosi eMfihlweni namhlanje. Lomkhosi ubuhanjelwe izicukuthwane ezivela ezindaweni ezahlukene okubalwa kuzo abamele uhulumeni wesifundazwe abekade beholwa ngumhlonishwa u-Blessed Gwala, abamele iSilo saMabandla abekade beholwa nguMntwana Thulani Zulu kanye neNkosi yesizwe saKwaZondi, oMeya abavela komasipala abahlukene okubalwa uMeya wase-City of Mhlathuze u-Cllr Xolani Ngwezi kanye noMeya waseMfolozi Local Municipality u-Cllr Xolani Bhengu, u-CEO wase-Simangaliso Wetland Park kanye nabanye abaningi.

UMeya kamaspala uMhlabuyalingana uMhlonishwa u-Cllr T.S. Khumalo ubophezele umaspala ukweseka amakhosi amane aseMhlabuyalingana wethembisa futhi ukuthi bazokwenza konke okusemandleni ukuqinisekisa ukuthi njengohulumeni bayayiletha intuthuko kuyona yonke imiphakathi yamakhosi futhi bazokwenza lokhu ngokubambisana namakhosi. Ubuye waveza ukuthi baweseka ngokugcwele umthayi njengoba ubambe elikhulu iqhaza ekukhuluseni umnotho wendawo yakithi eMhlabuyalingana.

Ngeviki elizayo umkhosi ofanayo uzoba sesiGodlweni saseMachobeni, uzoholwa iSilo Samabandla.

Usuku: 14 February 2026

Iskhathi: 10:00

Indawo: Ehlalankosi eMfihlweni

UMEYA kaMaspala Umhlabuyalingana Mhlonishwa Cllr T.S. Khumalo namuhla uhambele kwelakomkhulu eyokotha iNkosi yesizwe sakwa Mbila njengoba ziyawushaya eNdlukulu INkosi yesizwe sakwaMbila. Inkosi N.I. Zikhali izogcagcelwa uNdlunkulu wayo u N.P. Mpanza ovela laphaya eMondlo ngaphansi kwesizwe seNkosi yakwaMdlalose. Umeya ngenkathi eyokotha iNkosi ubengahambi yedwa kodwa ubephelezelwa uSomlomo woMkhandlu waseMhlabuyalingana uCllr M.D. Mathenjwa, ukhansela wase-Ward 2 Cllr J.P. Zikhali kanye noMphathi kaMasipala uMhlabuyalingana uMnu N.P.E. Myeni.

Okhulumele ubukhosi besizwe sakwaMbila Mntwana Ben Zikhali uthi wonke amalungiselelo asemi ngomumo okwamukela undlunkulu wabo ‘esingakusho nje ukuthi asisakwazi nokuzibamba ngendlela esithokoze ngayo sesifisa ngabe uMngqibelo ukusasa samukele uNdlunkulu wesizwe. Inkosi izobe igcagcelwa ngosuku lwezithandani umhlaka 14 kuNhlolanja (kuyo lenyanga ephezulu).

Inkosi N.I. Zikhali yesizwe samaNgwane uthe uswela amazwi izinkulungwane zokubonga UMkhandlu wase mhlabuyalingana njengoba ufike nesipho esingaka lokhu kukhomba ukubambisana esizweni.

UMeya kamaspala uMhlabuyalingana uMhlonishwa Cllr T.S. Khumalo wamukele amaphasela okudla angu 156 kanye nezipontshi ezivela kuMsamariya olungileyo I-Gift of the Givers.

Usuku: 11 February 2026
Isikhathi: 10H00
Indawo: Ward 16 Zwelinye Primary School

UMeya ubehambisana nokhansela wase ward 16 u-Cllr N.J. Khumalo kanye nokhansela wase ward 18 u-Cllr B. E. Biyela behlangane nengxeye yomphakathi owakhahlamezwa izikhukhula. Siyaqonda ukuthi akusiwona kuphela amawadi amabili athintekayo kodwa iningi labantu elathinteka livela kulamawadi amabili. Ithimba elibheke izinhlekelele lizoqhubeka nokuhlela ukuthi amaphasela okudla ayafinyelela nakulamanye amawadi angabanga yingxenye namuhla.

UMeya ubonge kakhulu inhlangano eyaziwa nge-Gift of the Givers ngokungenelela kwayo eMhlabuyalingana selokhu kwaba nezikhukhula kuze kube manje.